U Minsku vydali knihu pra Jeŭfrasińniu Połackuju dla nieviduščych dziaciej

Prezientacyja knihi pra viadomuju biełaruskuju aśvietnicu dla nieviduščych i słabaviduščych dziaciej, vydadzienaja Vydavieckaj radaj BPC, prajšła ŭ śpiecyjalnaj škole №188 u Minsku, piša BiełTA.

Vydańnie zroblena z ulikam roznych patreb: tekst nadrukavany šryftam Brajla, jość aŭdyjaviersija, a taksama ŭklučanaja taktylnaja vyjava ikony, jakuju možna «razhledzieć» navobmacak. Da jaje dadajecca śpiecyjalnaje apisańnie, kab dzieci mahli lepš ujavić vobraz.

Kniha stvarałasia jak kompleksny adukacyjny prajekt. Dla tych, chto nie čytaje pa Brajlu, praduhledžana aŭdyja — jaje možna pasłuchać praz QR-kody. U ahučvańni ŭdzielničali prafiesijnyja artysty i śviatar.

Aŭtary padkreślivajuć, što vybar postaci nievypadkovy: Jeŭfrasińnia Połackaja ličycca nie tolki duchoŭnaj zastupnicaj Biełarusi, ale i važnaj aśvietnicaj, jakaja raźvivała adukacyju i kulturu. Tamu jaje vobraz pavinien stać prykładam dla dziaciej.

Najbližejšym časam knihu pieradaduć va ŭsie śpiecyjalizavanyja ŭstanovy krainy, dzie vučacca dzieci z parušeńniami zroku.

Kamientary da artykuła