U Homieli mužčyna zapałochvaŭ siamju pistaletam
Žychar Homiela paśla ŭžyvańnia ałkaholu pahražaŭ svajoj žoncy i dzieciam pnieŭmatyčnym pistaletam. Incydent adbyŭsia na fonie siamiejnaj svarki, piša vydańnie «Biełka».
Fota ilustracyjnaje
Pavodle infarmacyi prakuratury, kanflikt pačaŭsia pamiž baćkam i starejšaj dačkoj. Kali na kryki prybiehli žonka i małodšy syn, mužčyna jašče bolš razzłavaŭsia. U stanie mocnaha hnievu jon dastaŭ pnieŭmatyčny pistalet i pačaŭ pa čarzie nakiroŭvać jaho na siamiejnikaŭ, pahražajučy zabojstvam.
Dzieci zdoleli tajemna vyklikać milicyju. Padčas śledstva mužčyna pryznaŭsia, što chacieŭ tolki napałochać rodnych i «pavučyć» ich. Adnak u sudzie jon svaju vinu ŭžo admaŭlaŭ.
Paćviardžeńniem sapraŭdnaści padziej, jakija adbyvalisia, staŭ videazapis, zrobleny na telefon syna, a taksama pakazańni siamiejnikaŭ.
U vyniku sud pryznaŭ mužčynu vinavatym u pahrozie zabojstvam i pryznačyŭ jamu štraf sumaj 50 bazavych adzinak (heta 2250 rubloŭ). Pnieŭmatyčny pistalet pry hetym kanfiskavali.
Čytajcie taksama:
U Minsku navučeniec kaledža stralaŭ ź pnieŭmatyki pa voknach
U Hrodnie padletki pužali žycharoŭ cacačnaj zbrojaj z dachu
U Mastach pjanyja mužyki stralali z kvatery ź pnieŭmatyki. I trapili ŭ susiedski «Opiel»
Uščent pjany žychar Šumilina vychapiŭ u milicyjaniera pistalet i sprabavaŭ strelić jamu ŭ hałavu