Kryšcijanu Ranałdu vyjhraŭ pieršy trafiej u Saudaŭskaj Aravii i zabiŭ 973‑y hoł u karjery
Učora «Al Nasr» z bujnym likam pieramoh «Damak» 4:1 i staŭ pieramožcam «Saudaŭskaj Pra Lihi»! siezona-2025/2026. Kryšcijanu Ranałdu aformiŭ dubl.
Fota: Yasser Bakhsh/Getty Images
Heta pieršy trafiej dla partuhalca ŭ Saudaŭskaj Aravii, kudy jon pierabraŭsia ŭ studzieni 2023 hoda.
Raniej Kryšcijanu vyjhravaŭ jak hulec kłubaŭ anhlijskuju premjer-lihu «Mančester Junajted» (try razy) u čas svajho pieršaha pobytu ŭ kłubie, čempijanat Ispanii z «Reałam» (dvojčy) i čempijanat Italii z «Juvientusam» (dvojčy).
Taksama jon piać razoŭ vyjhravaŭ Lihu čempijonaŭ, sa zbornaj Partuhalii stanaviŭsia čempijonam Jeŭropy i dvojčy vyjhravaŭ Lihu nacyj.
KR vystupaje za «Al-Nasr» sa studzienia 2023 hoda. U ciapierašnim siezonie jon pravioŭ 30 matčaŭ, u jakich zabiŭ 28 hałoŭ i addaŭ dźvie vynikovyja pieradačy.
Učora jon zabiŭ svaje 972 i 973 hały ŭ karjery z ulikam zbornaj Partuhalii. Jak viadoma, jaho zadača — dabracca da adznaki 1000 hałoŭ, i jon jedzie na šosty čempijanat śvietu pa futbole
Kryšcijanu Ranałdu — najlepšy bambardzir u historyi futbołu. U Lijaniela Miesi, jaki taksama praciahvaje karjeru, 910 hałoŭ, u Piele było 762, Ramarya — 756, Fierenca Puškaša — 725. U Robierta Levandoŭskaha, jaki jašče hulaje, 696.