U Minsku pačnuć znos dvuchpaviarchovikaŭ na Kalcova
Havorka idzie pra staryja dvuchpaviarchovyja damy, jakija padlahajuć abnaŭleńniu ŭ miežach horadabudaŭničych prajektaŭ.
Vulica Kalcova, ilustracyjnaje fota Google.maps
Paetapnaja rekanstrukcyja terytoryi z pastupovym znosam dvuchpaviarchovych žyłych damoŭ płanujecca ŭ rajonie vuł. Kalcova ŭ Minsku. Pra heta ŭ efiry raskazała staršynia kamiteta budaŭnictva i inviestycyj Minharvykankama Iryna Hontarava, pišuć «Minsk-naviny».
— Havorka idzie pra staryja dvuchpaviarchovyja damy, jakija padlahajuć abnaŭleńniu ŭ miežach horadabudaŭničych prajektaŭ. Siońnia hetyja budynki maralna sastareli, na ŭnutrydvarovych terytoryjach zachavalisia chlavy, jakija majuć niepryvabny vyhlad, — adznačyła I. Hontarava.
Pieršym pad znos pojdzie dom pa adrasie: vuł. Kalcova, 13. Pačać jaho demantaž płanujuć užo sioleta. Na jaho miescy płanujecca ŭźvieści novy šmatkvaterny dom, kudy buduć pierasieleny žychary astatnich damoŭ, što traplajuć pad znos. Tolki paśla hetaha pačniecca vyzvaleńnie placoŭki i dalejšaja zabudova terytoryi šmatpaviarchoŭkami.
— Taki padychod dazvalaje zabiaśpiečyć pierasialeńnie žycharoŭ u miežach rajona, bieź nieabchodnaści pierajezdu ŭ inšyja častki horada, i realizavać rekanstrukcyju pastupova, na praciahu niekalkich hadoŭ, — patłumačyła Iryna Hontarava.