Stała viadoma pra vyzvaleńnie palitźniavolenaha fanata Tamaza Pipii
Futbolny zaŭziatar atrymaŭ piać hadoŭ za pratesty paśla tajemnaj inaŭhuracyi Łukašenki, a ŭ kałonii jamu dadali jašče paŭtara hoda.
Tamaz Pipija
Vyjšaŭ na svabodu 31‑hadovy Tamaz Pipija. Jamu prysudzili 5 hadoŭ kałonii ŭzmocnienaha režymu za ŭdzieł u masavych biesparadkach (č. 2 art. 293 KK), a ŭžo ŭ źniavoleńni dadali jašče 1,5 hoda za «złosnaje niepadparadkavańnie administracyi kałonii» (art. 411 KK).
Tamaz Pipija — futbolny zaŭziatar kolišniaha minskaha kłuba «MTZ-RIPA». Jaho zatrymali 26 vieraśnia 2020 hoda ŭ Hrodnie pa padazreńni va ŭdziele ŭ pratestach 23 vieraśnia.
Pa spravie Tamaz prachodziŭ nie adzin: jaho brat Cimur Pipija taksama staŭ palitźniavolenym.
2 lipienia 2021 hoda sud Maskoŭskaha rajona Minska prysudziŭ Tamazu Pipii 5 hadoŭ uzmocnienaha režymu. Spravu razhladała sudździa Śviatłana Bandarenka.
Jak časta byvaje z palitviaźniami, termin Pipii na hetym nie skončyŭsia.
5 vieraśnia 2024 hoda ŭ sudzie Navapołacka razhledzieli novuju kryminalnuju spravu — pavodle art. 411 KK. Sudździa Taćciana Chrypač dadała Tamazu Pipii jašče 1,5 hoda kałonii.