U Čechii zatrymali mitrapalita RPC Iłaryjona — u jaho aŭto znajšli čatyry kantejniery z «rečyvam biełaha koleru»
Jaho zatrymali ŭčora ŭ Karłavych Varach, paviedamiła Baza.
Paviedamlajecca, što palicyja spyniła aŭtamabil, u jakim znachodzilisia mitrapalit Iłaryjon i apieratar, jaki supravadžaŭ jaho. Padčas nadhladu aŭtamabila, u bahažniku byli vyjaŭlenyja čatyry nievialikija kantejniery z rečyvam biełaha koleru.
Sam Iłaryjon adchiliŭ jakoje-niebudź dačynieńnie da niezakonnaha zachoŭvańnia zabaronienych rečyvaŭ i ličyć toje, što adbyłosia pravakacyjaj. U paviedamleńni taksama skazana, što «zatrymańniu papiaredničaŭ praciahły pieryjad cisku na mitrapalita i pravasłaŭnuju supołku ŭ Karłavych Varach».
U 2024 hodzie Iłaryjon byŭ adchileny ad kiraŭnictva Budapiešcka-Vienhierskaj jeparchijaj paśla abvinavačvańniaŭ u seksualnych damahańniach — u hetym jaho abvinavaciŭ były kielejnik Hieorhij Suzuki.