U Białhradzie prajšła najbujniejšaja z 2000 hoda demanstracyja pratestu
Na płoščy Słavija ŭ Białhradzie ŭviečary 23 maja prajšła adna z najbujniejšych studenckich akcyj pratestu. Ludzi, jakija vyjšli na vulicy, zapatrabavali praviadzieńnia daterminovych vybaraŭ u krainie.
Fota: Filip Stevanovic / Anadolu via Getty Images
Akcyja prajšła pad łozunham «Studenty pieramahajuć» («Studenti pobeđuju»). Prezident Sierbii Alaksandr Vučyč nieadnarazova zajaŭlaŭ, što vybary adbuducca ŭ hetym hodzie, adnak aficyjna jany dahetul nie pryznačanyja.
Pavodle acenak palicyi, u akcyi ŭdzielničali kala 34 tysiač čałaviek. Niedziaržaŭnyja instytucyi acanili kolkaść pratestoŭcaŭ na 180—190 tysiač čałaviek i nazvali hetuju akcyju najbujniejšaj z momantu zrynańnia byłoha prezidenta Sierbii i Juhasłavii Słabadana Miłošaviča ŭ 2000 hodzie.
Fota: Maxim Konankov / NurPhoto via Getty Images
Padčas mitynhu adbylisia sutyknieńni pamiž pratestoŭcami i palicyjaj. MUS paviedamiła pra dziasiatki zatrymanych.
Pratesty ŭ Białhradzie praciahvajucca ŭžo paŭtara hoda — ź śniežnia 2024 hoda, kali na vakzale horada Novi-Sad abrynuŭsia bietonny navies i zahinuli 16 čałaviek. Pratestoŭcy ličać, što trahiedyja stała vynikam karupcyi dziejnaj ułady, piša «Mieduza».