U Ašmianskim rajonie mužčyna skraŭ traktar i zaviaz na im u bałocie

Incydent zdaryŭsia ŭ vioscy Siakieraŭcy: 27‑hadovy mužčyna skraŭ traktar, ale nie zmoh daloka źjechać, bo technika zaviazła ŭ bałocie.

Fota: t.me/Neman102

Mužčyna pryjechaŭ u hości da znajomaha, dzie jany razam užyvali ałkahol. U niejki momant jon zaŭvažyŭ na susiednim dvary traktar «Biełarus», u jakoha kabina była nie začyniena, a kluč zastavaŭsia ŭ zamku zapalvańnia.

Skarystaŭšysia situacyjaj, jon sieŭ u traktar, zavioŭ jaho i pajechaŭ. Adnak pajezdka akazałasia karotkaj — užo praz karotki čas mašyna zaviazła ŭ bałocie. Paśla hetaha mužčyna prosta viarnuŭsia da znajomaha i praciahnuŭ zastolle.

Nieŭzabavie jaho zatrymali supracoŭniki milicyi. U dačynieńni da mužčyny zaviali kryminalnuju spravu za kradziež, a traktar viarnuli pradpryjemstvu.

Pry hetym u milicyi adznačyli, što situacyi paspryjała nieaściarožnaść miechanizatara: jon pakinuŭ techniku niezačynienaj z klučom u zamku i navat nie zaŭvažyŭ, što jaje skrali.

Kamientary da artykuła