«Ja z palikliniki, skažycie svoj rost i vahu». 18‑hadovy minčuk pavieryŭ miedsiastry z telehrama i vynies z domu 12 tysiač dalaraŭ
A hrošy pakinuŭ u tajniku na bierazie Śvisłačy.
Chłopiec atrymaŭ u miesiendžary paviedamleńnie ad niesapraŭdnaj miedsiastry z palikliniki i pradyktavaŭ joj kod z SMS-paviedamleńnia. Jon dumaŭ, što takim čynam pryviazvaje svoj numar telefona da miedycynskaj karty.
Adrazu paśla hetaha jamu pieratelefanavaŭ ašukaniec, jaki pradstaviŭsia supracoŭnikam adździeła biaśpieki Nacbanka. I paviedamiŭ, nibyta z dapamohaj koda z SMS machlary aformili na imia minčuka kredyty i finansujuć jaho hrašyma terarystaŭ, paviedamlaje «Milicyja Minska»
Kab paćvierdzić svaju niedatyčnaść da złačynnych kredytaŭ, małady čałaviek sabraŭ doma kala 12 tysiač dalaraŭ i pakinuŭ ich u tajniku na nabiarežnaj raki Śvisłač — nibyta dla bankaŭskaj pravierki.
Uvieś hety čas baćki sprabavali datelefanavacca da syna, ale jon nie braŭ słuchaŭku. Bo kuratary zabaranili jamu raskazvać kamu-niebudź pra toje, što zdaryłasia, inakš pahražała pakarańnie za razhałošvańnie infarmacyi.
Pa zajavie baćkoŭ supracoŭniki milicyi pačali pravierku i adšukali syna. Adnak da taho času hrošy z tajnika ŭžo paśpieŭ zabrać inšy kurjer.