Arciom Radźkoŭ pieraŭznačaliŭ kiprski «Arys»
Kiprski kłub paviedamiŭ pra paŭtornaje pryznačeńnie biełaruskaha śpiecyjalista na pasadu hałoŭnaha treniera kamandy, piša football.by.
Radźkoŭ užo ŭznačalvaŭ «Arys» u pieršaj častcy siezona, što zakončyŭsia dniami. Pad kiraŭnictvam treniera kamanda praviała 27 matčaŭ, u jakich atrymała 14 pieramoh, piać razoŭ zhulała ŭničyju i paciarpieła vosiem paraz.
Zamiena na trenierskaj pasadzie ŭ lutym hetaha hoda vyniki nie palepšyła — «Arys» zaniaŭ šostaje miesca ŭ čempijanacie Kipra.
U 2022—2025 hadach kłub treniravaŭ inšy biełaruski śpiecyjalist Alaksiej Špileŭski, jaki ŭpieršyniu pryvioŭ «Arys» da załatych miedaloŭ čempijanatu Kipra.