«Jeŭropa nikudy nie sychodzić». Pradstaŭniki ES admovilisia pakidać Kijeŭ paśla pahroz Maskvy
Ministr zamiežnych spraŭ Ukrainy Andrej Sibiha taksama zaklikaŭ sajuźnikaŭ nie paddavacca rasijskamu šantažu.
Jeŭrapiejski sajuz admoviŭsia evakujavać svaich dypłamataŭ z Kijeva paśla pahroz Rasii. Raniej Siarhiej Łaŭroŭ źviazaŭsia ź dziaržsakratarom ZŠA Marka Rubia i zajaviŭ, što amierykanskim hramadzianam varta pakinuć ukrainskuju stalicu, paviedamlaje Bild.
«Rasija znoŭ pahražaje dypłamatam i zamiežnikam i patrabuje, kab my pakinuli Kijeŭ. Ale my nikudy nie sychodzim! Rasija choča strachu. Paniki. Izalacyi Ukrainy. Heta nie spracuje. Jeŭropa nikudy nie sychodzić. My zastajomsia ŭ Kijevie. My zastajomsia z Ukrainaj», — adkazała na heta pasoł ES u Kijevie Kataryna Matarnova.
Ministr zamiežnych spraŭ Ukrainy Andrej Sibiha taksama zaklikaŭ sajuźnikaŭ nie paddavacca «rasijskamu šantažu».