Jak vyhladaje novaja banknota 200 rubloŭ
Nacyjanalny bank siońnia prezientavaŭ abnoŭlenuju kupiuru. Jana vychodzić u abaračeńnie 1 červienia.
Fota tut i dalej Onliner.by
Novaja banknota vypuskajecca ŭ miežach płanavaha abnaŭleńnia dyzajnu i achoŭnych elemientaŭ banknot uzoru 2009 hoda, a taksama dla zamieny znošanych abo paškodžanych kupiur na prydatnyja da abaračeńnia.
Što na joj?
Faksimile podpisu staršyni praŭleńnia Nacbanka Piatra Prakapoviča abnoŭlena na aktualny podpis Ramana Hałoŭčanki.
Hod uzoru «2009» zamienieny na hod vypusku banknoty ŭ abaračeńnie — «2026».
Paznačana nazva architekturnaha abjekta, adlustravanaha na asabovym baku, — Mahiloŭski abłasny mastacki muziej imia P. V. Maślenikava.
Achoŭny kompleks madernizavany: dadadzieny dadatkovy vadziany znak-filihrań, pašyrana achoŭnaja nić ź vizualnymi efiektami, uzmocniena papiera dla pavyšeńnia znosaŭstojlivaści i daŭhaviečnaści.