Tramp projdzie treciaje miedycynskaje abśledavańnie za 13 miesiacaŭ
Prezident ZŠA siońnia pavinien prajści płanavy ahlad u vajennym špitali Walter Reed pad Vašynhtonam.
Fota Joe Raedle / Getty Images
14 červienia jamu spoŭnicca 80 hadoŭ, i heta ŭžo treciaja pravierka zdaroŭja za 13 miesiacaŭ. Bieły dom nastojvaje, što Tramp znachodzicca ŭ «vyklučnym» stanie, adnak častyja vizity da lekaraŭ znoŭ vyklikali abmierkavańnie jaho zdaroŭja, piša Bild.
Padstavaj dla pytańniaŭ stała ŭ tym liku KT, zroblenaja padčas minułaha vizitu, plamy na rukach, acioki ščykałatak i niadaŭni čyrvony syp na šyi. Asabisty ŭrač Trampa raniej tłumačyŭ acioki vianoznaj niedastatkovaściu, a jaho pradstaŭniki źviazvali siniaki z pryjomam aśpirynu i častymi pociskami ruk. Urač Poł Chazier kazaŭ Bild, što syp moža być prajavaj psaryjazu.
U ZŠA taksama spračajucca pra stan Trampa nie tolki fizična, ale i mientalna. Paśla rezkich načnych publikacyj u Truth Social krytyki znoŭ zahavaryli pra jaho niepradkazalnaść.