Biełarusaŭ šakavaŭ stan žyvioł u «Dukorskim majontku»: «Heta kancłahier!» Śpiecyjalisty supakojvajuć

U sacyjalnych sietkach šyroki rezanans vyklikała videa pra ŭmovy ŭtrymańnia žyvioł u «Dukorskim majontku» Puchavickaha rajona. Adna z naviedvalnic pa imieni Taćciana nazvała miascovy zaasad «kancłahieram» i zajaviła, što bačyła tam chvoraha i kulhavaha alenia, a taksama jaka z hniłoj ranaj na śpinie. U niuansach spravy, jakaja nabyła rezanans, pasprabavała razabracca vydańnie «Anłajnier».

Biełaruska, jakaja pryjechała na ekskursiju ŭ muziejny kompleks «Dukorski majontak», apublikavała ŭ instahramie videa ź miascovaha zaasada i padpisała:

«Heta kancłahier!» «Koni chudyja, aleni hetyja ŭsie chvoryja, kulhavyja — heta niejki žach! […] Pahladzicie, u jakim stanie jak: u jaho miasa hnije prosta na samoj žyviolinie, muchi poŭzajuć [pa adkrytaj ranie]», — kaža za kadram žanočy hołas, apisvajučy ŭbačanaje.

«Anłajnier» źviazaŭsia z kiraŭnictvam kompleksu i paprasiŭ prakamientavać heta videa.

Muziejny kompleks «Dukorski majontak» u ahraharadku Dukora pracuje ŭžo bolš za dziesiać hadoŭ. Pa sutnaści, heta papularny etnahrafičny muziej pad adkrytym niebam. Siudy jeduć pahladzieć na znakamity «pierakuleny dom», dakranucca da šlachieckaj kultury i zaadno prahulacca pa miascovym zaasadzie.

Mienavita žyvioły i pryciahnuli ŭvahu naviedvalnicy pa imieni Taćciana, jakaja pryjechała ŭ siadzibu ŭpieršyniu. Šakavanaja ŭbačanym, jana źniała rolik i vykłała jaho ŭ sacsietki.

«Jak vam nie soramna? My pieršy raz u Dukory. Heta Biełaruś, niedaloka ad Minska. Jechali na ekskursiju ŭ muziej i navat nie dumali, što tut jość zaasad. Ja nie viedaju, što rabić u takich vypadkach. Skarhu na «Obraŝienija.bieł» my ŭžo napisali, ale, napeŭna, treba, kab jak maha bolš ludziej źviarnuli na heta ŭvahu. Mahčyma, heta vyrašyć pytańnie z žachlivym utrymańniem žyvioł. «Dukorski majontak», jak vam nie soramna tak stavicca da źviaroŭ?» — napisała naviedvalnica.

Na kadrach — kazula, jakaja ledź pierasoŭvajecca, i jak ź dziŭnaj prałysinaj na śpinie i adkrytaj ranaj, vakoł jakoj rojacca muchi.

Fota: «Minskaja praŭda»

Publikacyja vyklikała vialiki rezanans. U kamientaryjach ludzi zaklikajuć pisać skarhi ŭ prakuraturu i «ratavać biednych źviaroŭ». Znajšlisia i tyja, chto staŭ na abaronu kompleksu. Niekatoryja karystalniki adznačyli, što byvali ŭ Dukory ŭ mai minułaha hoda i žyvioły vyhladali vydatna. Inšyja vykazali zdahadku, što źviaroŭ «mahli pryvieźci ŭ siadzibu na lačeńnie i pieratrymańnie».

Žurnalisty źviarnulisia da kiraŭnictva muziejnaha kompleksu za kamientaryjem. Na pytańni pa telefonie adkazaŭ hałoŭny inžynier Mikałaj Karniejeŭ. Toj patłumačyŭ, što ŭ administracyi pra skandalnaje videa ŭžo viedajuć i jakraz rychtujuć aficyjny videaadkaz dla svajho Instagram.

«Byvaje, nam addajuć chvorych abo traŭmavanych dzikich žyvioł na adnaŭleńnie. Miesiacy try tamu tak da nas trapiła kazula, jašče raniej — koźlik (toj samy, jaki na videa). U jaho nadryŭ źviazak. Ludzi jaho vychadzili i pryvieźli da nas. Pavodle słoŭ vieterynara, koźlik moža adnavicca, a moža tak i zastacca kulhavym. Jon zaraz pad nahladam i znachodzicca na svabodnym vyhule», — tłumačyć pradstaŭnik kompleksu.

Fota: «Minskaja praŭda»

Što tyčycca niepryvabnaha źniešniaha vyhladu niekatorych inšych nasielnikaŭ zaasada, to śpiecyjalist śpisvaje ŭsio na siezonnaść: zaraz pieryjad lińki.

Fota: «Minskaja praŭda»

«Jak źjaviŭsia ŭ nas try hady tamu. U jaho pryrodžanaja apłazija skury (niedaraźvićcio skurnych pakrovaŭ. — Zaŭv. «Anłajnier»). Hetaja chvaroba, na žal, nievylečnaja. Što tyčycca ablezłaj poŭści, to heta dzikaja žyviolina, u jaje zaraz idzie aktyŭny pieryjad lińki. Źviary trucca ab drevy i aharodžy, staraja poŭść sychodzić žmutami, a pad joj raście novaja. Vyhladaje heta sapraŭdy nie vielmi prezientabielna, ale heta pryrodny praces».

Fota: «Minskaja praŭda»

Śpiecyjalist taksama zaŭvažyŭ, što ŭsie žyvioły kompleksu znachodziacca pad kantrolem, ahladajucca vieterynaram i charčujucca zhodna z ustanoŭlenymi normami.

Fota: «Minskaja praŭda»

Na hety momant pracu muziejnaha kompleksu «Dukorski majontak» praviarajuć pradstaŭniki Minpryrody i vieterynary rajona. Pra heta «Anłajnieru» paviedamiŭ toj ža Mikałaj Karniejeŭ. Paźniej situacyju prakamientavaŭ hałoŭny vietdoktar Minskaj vobłaści Aleh Karpovič.

Fota: «Minskaja praŭda»

Śpiecyjalist raskazaŭ vydańniu «Minskaja praŭda», što žyvioły ŭ «Dukorskim majontku» znachodziacca ŭ «narmalnym, dobrym stanie», zabiaśpiečanyja kormam, vadoj i «nie źniasilenyja». Adnak, pavodle jaho słoŭ, jaku i kazuli patrabujecca vieterynarnaja dapamoha.

Fota: «Minskaja praŭda»

«Jaka apracujem, usypim, źmieścim jaho ŭ asobnuju kletku i budziem nazirać vieterynarnaj słužbaj rajona, — patłumačyŭ Aleh Karpovič. — My taksama abśledavali kazulu: u jaje raściažeńnie źviazak. Zabiarom jaje ŭ kliniku i budziem praciahvać lačeńnie».

Fota: «Minskaja praŭda»

Što tyčycca aviečak, źniešni vyhlad jakich taksama vyklikaŭ pytańni ŭ naviedvalnikaŭ, to ź imi, zapeŭniŭ vietdoktar, usio ŭ paradku, im tolki spatrebicca stryžka, jakoj zojmucca ŭ najbližejšy čas.

Fota: «Minskaja praŭda»

Kamientary da artykuła