VMS ZŠA znoŭ pačali supravadžać handlovyja sudny ŭ Armuzskim pralivie
Vajskova-marskija siły ZŠA znoŭ pačali supravadžać cyvilnyja sudny pry prachodzie praz Armuzski praliŭ. Pra heta paviedamlaje vydańnie The Wall Street Journal sa spasyłkaj na pradstaŭnikoŭ fłotu.
Zdymak ilustracyjny. Fota: Nurphoto via Getty Images
Pieršym amierykanskija karabli supravadžali hrečaski tankier, jaki pieravoziŭ kala dvuch miljonaŭ baralaŭ syroj nafty. Sudna doŭhi čas znachodziłasia ŭ Piersidskim zalivie i ciapier nakiroŭvajecca ŭ Indyju.
Faktyčna havorka idzie pra adnaŭleńnie apieracyi «Prajekt Svaboda», jakuju ZŠA zapuskali 4 maja dla harantavańnia biaśpiečnaha prachodu sudnaŭ praz praliŭ. Tady jaje chutka spynili — praź niezadavolenaść z boku Saudaŭskaj Aravii.
Ciapier ža amierykanski fłot płanuje ŭ najbližejšyja dni supravadzić kala dziesiaci sudnaŭ, u tym liku naftavych tankieraŭ i kantejniernych karabloŭ.
Čytajcie taksama:
Iran zaklikaŭ rychtavacca da nafty pa $200 za baral paśla ŭdaraŭ ZŠA
Rubia: Ździełka ź Iranam moža być dasiahnuta siońnia
ZŠA i Iran damovilisia ab adkryćci Armuzskaha praliva
Tramp anansavaŭ histaryčnuju ździełku ź Iranam, paśla zapościŭ pravakacyjny niejrasietkavy malunak