Najbližejšym časam zbornuju Biełarusi pa chakiei mohuć dapuścić na mižnarodnyja spabornictvy
Ź biełaruskaj zbornaj najbližejšym časam mohuć być źniatyja abmiežavańni pa ŭsich uzrostavych katehoryjach, napisaŭ u svaim telehram-kanale insajdar Artur Chajrulin.
Fota: FCHB
U takim vypadku nacyjanalnaja kamanda vierniecca da mižnarodnych spabornictvaŭ.
Mahčyma, rašeńnie budzie pryniata na hetym tydni padčas čempijanatu śvietu pa chakiei, što prachodzić u Šviejcaryi. Zvyčajna ŭ apošni tydzień čempijanatu prachodzić pasiadžeńnie Mižnarodnaj fiederacyi chakieju, dzie prymajecca niekalki pastanoŭ.
Abmiežavańni ŭ dačynieńni da biełaruskich (i rasijskich) chakieistaŭ dziejničali z 28 lutaha 2022 hoda paśla pačatku napadu na Ukrainu.
Chakiejnaja biełaruskaja zbornaja prapuściła piać čempijanataŭ śvietu. Sajt championat.com navat sprahnazavaŭ, što padčas sioletniaha čempijanatu, što prachodzić u Šviejcaryi, naša zbornaja z novym pakaleńniem hulcom mahła b zmahacca za miedali.
Praŭda, padčas ČS-2021 biełarusy zaniali ŭ svajoj hrupie apošniaje miesca i pavinny byli pakinuć elitny dyvizijon. Toje pieršynstvo, darečy, miełasia prajści ŭ Minsku i Ryzie, ale z-za represij u Biełarusi ŭsie matčy ŭ Minsku addali stalicy Łatvii.