Z nastupnaha miesiaca ŭ Biełarusi pačnucca ekskursii z dehustacyjaj čornaj ikry
Razmova pra zavod u Fanipali pad Minskam, dzie ikru vypuskajuć pad brendam Admiral Husso i pastaŭlajuć nie tolki na biełaruski rynak, ale i na ekspart — u Jeŭropu, ZŠA i Rasiju, paviedamlaje Respublikanski sajuz turystyčnych arhanizacyj.
Padrychtoŭkaj arhanizavanych ekskursij užo zanialisia biełaruskija turystyčnyja ahienctvy. Anansujuć, što naviedvalnikam pakažuć poŭny cykł vyroščvańnia asiatrovych ryb, paznajomiać z tonkaściami sučasnaj akvakultury i prapanujuć pradehustavać śviežuju čornuju ikru prosta na vytvorčaści.
Akramia taho, hości zmohuć «panazirać za pracesam karmleńnia asiatroŭ, ubačyć UHD samki asiatra i razhledzieć ikrynki pad mikraskopam».
U RSTA kažuć, što turystam ź Biełarusi dazvolena vyvozić da 250 h čornaj asiatrovaj ikry. Usio, što pieravyšaje hety limit, ličycca kamiercyjnaj partyjaj.