Va Uździenskim rajonie kiroŭca najechaŭ na žančynu, jakaja lažała na darozie, i ŭciok ź miesca zdareńnia
Pavodle źviestak DAI, kala 04:25 ranicy na 35‑m kiłamietry trasy R-23 «Minsk — Mikaševičy» ŭ bok Słucka na prajeznaj častcy znachodziłasia žančyna. Paviedamlajecca, što jana lažała na darozie i mahła być u stanie mocnaha ałkaholnaha apjanieńnia.
Fota: UDAI UUS Minabłvykankama
Pa papiaredniaj infarmacyi, prosta pa hetaj žančynie prajechaŭ nieviadomy aŭtamabil. Kiroŭca paśla najezdu ź miesca avaryi źjechaŭ i nie spyniŭsia.
64‑hadovaja žančyna zahinuła na miescy.
Ciapier siłaviki vyśviatlajuć usie abstaviny zdareńnia, na miescy pracuje śledča-apieratyŭnaja hrupa, viadziecca pošuk kiroŭcy.