Rasija zakryła dyjałoh ab stratehičnaj stabilnaści z ZŠA
«Pieradumoŭ dla jaho adnaŭleńnia pakul niama».
Maskva spyniła dyjałoh z Vašynhtonam ab stratehičnaj stabilnaści. Pakul pieradumoŭ dla jaho adnaŭleńnia niama, zajaviŭ «Iźviestijam» namieśnik kiraŭnika MZS RF Siarhiej Rabkoŭ.
Jon skazaŭ, što Maskva prapanoŭvała Vašynhtonu vykonvać dobraachvotna ŭziatyja na siabie abmiežavańni pa centralnych kolkasnych stolach minułaj damovy pa jadziernym patencyjale jak minimum na praciahu hoda. Rabkoŭ zaznačyŭ, što hetaja inicyjatyva «nie padyšła» amierykanskamu boku. «My ŭ hetaj situacyi nie ličym nieabchodnym dalej niejak raźvivać ułasnuju pazicyju i fiksavać štości», — skazaŭ na zakančeńnie jon.
Rabkoŭ taksama akreśliŭ, što dla dyjałohu z Vašynhtonam ab stratehičnaj stabilnaści i pytańniach budučaha kantrolu nad uzbrajeńniami «niama pieradumoŭ».
Pavodle jaho słoŭ, amal čatyry miesiacy ničoha nie strymlivaje suśvietnyja dziaržavy ad naroščvańnia jadziernaha patencyjału.
Raniej Rabkoŭ nazvaŭ krajnie składanymi adnosiny Rasii i ZŠA. «Z ZŠA adnosiny vielmi składanyja. Jany razam z elemientam dyjałohu i niejkaha ruchu napierad niasuć značny zarad ciažkaściej, abmiežavańniaŭ — sankcyjnych i inšych», — skazaŭ rasijski dypłamat.