U łabavym sutyknieńni ŭ Połackim rajonie zahinuŭ kiroŭca. Jaho mašynu litaralna razarvała
DTP u Połackim rajonie adbyłosia siońnia kala 13‑j hadziny na 119‑m kiłamietry aŭtadarohi R-20 «Viciebsk — Połack», paviedamlaje DAI Viciebskaj vobłaści.
Kiroŭca 1987 hoda naradžeńnia, kirujučy aŭtamabilem Volvo z paŭpryčepam Schmitz, nie spraviŭsia z kiravańniem i vyjechaŭ na pałasu sustrečnaha ruchu. Tam jon sutyknuŭsia z aŭtamabilem Lada, jakim kiravaŭ 57‑hadovy mužčyna.
U vyniku avaryi kiroŭca lehkavoha aŭtamabila atrymaŭ traŭmy, niesumiaščalnyja z žyćciom, i pamior na miescy zdareńnia.