U Rumynii rasijski dron trapiŭ u šmatpaviarchovik
Uźnik pažar.
Skrynšot videa
U noč na piatnicu ŭ horadzie Hałac bieśpiłotnik upaŭ na dach šmatkvaternaha žyłoha doma. U Ministerstvie abarony Rumynii zajavili, što havorka idzie pra rasijski bieśpiłotnik, piša Bi-bi-si.
«U noč z 28 na 29 maja Rasijskaja Fiederacyja adnaviła ataki dronaŭ na cyvilnyja i infrastrukturnyja abjekty va Ukrainie, pablizu račnoj miažy z Rumynijaj, — havorycca ŭ paviedamleńni Minabarony Rumynii. — Adzin z hetych bieśpiłotnikaŭ uvajšoŭ u pavietranuju prastoru Rumynii, byŭ zafiksavany radaram da paŭdniovaj častki horada Hałac i ŭrezaŭsia ŭ dach šmatkvaternaha doma, u vyniku čaho ŭźnik pažar».
Pavodle danych ekstrannych słužbaŭ Rumynii, u vyniku incydentu paciarpieli dva čałavieki, im akazali dapamohu na miescy.
Jak paviedamlali Pavietranyja siły USU, u hety momant Rasija masiravana atakavała dronami Adeskuju vobłaść (Hałac znachodzicca niedaloka ad rehijona).