U Starych Darohach nad rakoj pastavili skulptury Vadzianika i Rusałki FOTAFAKT

Na bierazie raki Salanki ŭ Starych Darohach źjavilisia novyja mastackija abjekty, jakija dapoŭnili ŭžo najaŭnaje vadzianoje koła, ustalavanaje raniej, paviedamlajuć «Naviny Staradarožčyny».

Hałoŭnym upryhožańniem stali dźvie mietaličnyja fihury — «Vadzianik» i «Rusałka». Jany raźmieščanyja prosta nad vadoj i stvarajuć cełuju kampazicyju.

Aŭtaram hetych skulptur źjaŭlajecca biełaruski mastak i skulptar Uładzimir Kanonik z Fanipala. Jon viadomy tym, što stvaraje niezvyčajnyja art-abjekty ŭ styli stympank, vykarystoŭvajučy mietałałom, staryja aŭtadetali i inšyja vykarystanyja materyjały. Jahonyja raboty možna ŭbačyć i ŭ inšych miescach, u tym liku ŭzdoŭž daroh i na zapraŭkach. U Starych Darohach užo jość adna ź jaho rabot — «Hipacentaŭr».

Novyja skulptury chutka stali papularnymi: miascovyja žychary i hości horada prychodziać pahladzieć na ich, robiać fatahrafii i dzielacca ŭražańniami ŭ sacyjalnych sietkach.

Arfa ŭ rukach Vadzianika zadumanaja nie prosta jak dekor, a jak nievialiki fantan, što jašče bolš ažyŭlaje ŭsiu kampazicyju.

U vyniku nabiarežnaja stała nie tolki miescam dla adpačynku, ale i sučasnaj kulturnaj łakacyjaj, jakaja pryciahvaje ŭvahu i stvaraje admietnuju atmaśfieru.

Kamientary da artykuła