Da Babaryki na knižnym kirmašy ŭ Varšavie stajała čarha, kab padpisać knižku
Na Mižnarodnym knižnym kirmašy ŭ Varšavie prezientavali knihu «Sprava Viktara Babaryki».
Viktar Babaryka na Mižnarodnym knižnym kirmašy ŭ Varšavie. Fota: «Naša Niva»
Knihu napisała paetka i piśmieńnica Sabina Bryło. Na staronkach jana adnaŭlaje, jak razhortvalisia padziei — ad momantu rašeńnia Babaryki ŭdzielničać u prezidenckaj kampanii 2020 hoda i da nastupnych vybaraŭ u studzieni 2025-ha. U asnovu knihi pakładzieny archivy, intervju, materyjały pravaabarončych arhanizacyj i ŭnikalnyja dakumienty ad advakataŭ Babaryki.
Kniha vyjšła pa-rusku, ale ŭ vieraśni 2026 hoda abiacajuć i biełaruskamoŭnuju viersiju.
Kniha «Sprava Viktara Babaryki». Fota: «Naša Niva»
Na kirmašy byŭ i sam Viktar Babaryka. Ludzi stali ŭ čarhu, kab jon padpisaŭ im knihu. Kaštavała kniha 70 złotych (16 jeŭra).
Naviedvalniki kirmašu la stendu biełaruskich knih. Fota: «Naša Niva»