Armija ZŠA naniesła ŭdary pa iranskich radarach i punktach kiravańnia bieśpiłotnikami ŭ rajonie Haruk u Iranie
Armija ZŠA naniesła ŭdary pa iranskich radarach i punktach kiravańnia bieśpiłotnikami ŭ rajonie Haruk u Iranie i na vostravie Kiešm u metach samaabarony, paviedamiła ŭ sacyjalnaj sietcy X Centralnaje kamandavańnie ZŠA (CENTCOM).
Pientahon. Fota: Hisham Ibrahim / Getty Images
«Razvažlivyja i metanakiravanyja ŭdary byli naniesienyja ŭ subotu i niadzielu ŭ adkaz na ahresiŭnyja dziejańni Irana, u tym liku na źniščeńnie amierykanskaha bieśpiłotnika MQ-1 Predator, jaki dziejničaŭ nad mižnarodnymi vodami».
CENTCOM taksama dadało, što amierykanskija źniščalniki apieratyŭna źniščyli iranskija srodki supraćpavietranaj abarony, naziemny punkt kiravańnia i dva ŭdarnyja bieśpiłotniki, jakija pahražali sudnam u rehijanalnych vodach. Pavodle danych kamandavańnia, strat siarod amierykanskich vajskoŭcaŭ nie było.