U histaryčnym centry Minska vystavili na prodaž pamiaškańnie z restaranam Burger King
Nasuprać čyhunačnaha vakzała ŭ Minsku pradajuć niežyłoje pamiaškańnie na pieršym paviersie piacipaviarchovika, dzie ciapier pracuje papularny restaran chutkaha charčavańnia sietki Burger King. Abjavu ab prodažy abjekta nieruchomaści, jaki znachodzicca na vulicy Kirava ŭ niepasrednaj blizkaści ad słavutaści «Varoty Minska», apublikavali na placoŭcy Realt.
Za nieruchomaść płoščaj 285,8 kv.m ułaśnik prosić amal 3,2 miljona rubloŭ (kala 1,16 miljona dalaraŭ u ekvivalencie).
Budynak, u jakim raźmieščany restaran, byŭ pabudavany ŭ 1951 hodzie i maje status pomnika historyka-kulturnaj spadčyny.
Amierykanski brend Burger King pracuje na biełaruskim rynku z 2015 hoda, jaho raźvićciom zajmajecca TAA «Burhier BK». Na siońnia ŭ krainie adkryta 55 restaranaŭ hetaj sietki, pryčym pałova ź ich prypadaje na stalicu.