Minčuk dapamoh babuli pieravieści hrošy praz ARIP. Jon byŭ kurjeram machlaroŭ, jana — jaho achviaraj
Ašukancy patelefanavali 18‑hadovamu chłopcu ad imia apieratara mabilnaj suviazi i paviedamili ab zakančeńni dziejańnia damovy. Kab jaho praciahnuć, minčanin nazvaŭ kod sa sms, paviedamlaje «Milicyja Minska».
Paśla hetaha ź im źviazaŭsia łžepradstaŭnik Nacbanka i paviedamiŭ, byccam ad jaho imia pravodziacca niezakonnyja apieracyi. Chłopiec spałochaŭsia i pahadziŭsia vykonvać usie ŭkazańni ašukancaŭ, kab paźbiehnuć kryminalnaj adkaznaści.
Spačatku jon sam zadekłaravaŭ bolš za 7000 dalaraŭ asabistych źbieražeńniaŭ. Hrošy pakłaŭ na svaju kartu, a zatym pieravioŭ na rachunak, ukazany ašukancami.
Paźniej chłopiec sustreŭsia z 79‑hadovaj piensijanierkaj i ŭziaŭ u jaje pakiet z najaŭnymi. Minčuk dumaŭ, što dapamahaje žančynie «zadekłaravać» jaje źbieražeńni. I taksama pieradaŭ ich ašukancam praz ARIP.
Žančynie patelefanavali i paviedamili pra pieraraźlik pracoŭnaha stažu. Pad nadumanym prykryćciom pavyšeńnia piensii jany vymanili ŭ jaje kod sa sms, a zatym napužali. U vyniku žančyna pieradała kurjeru kala 12 000 rubloŭ.