Parašenka zajaviŭ, što Ukrainie treba zaviaršyć kanflikt prosta zaraz
Były prezident Ukrainy adznačyŭ, što za stałom pieramoŭ pavinny być Ukraina, Rasija, Jeŭropa i ZŠA.
Piatro Parašenka. Fota: AP Photo/Petr David Josek
Ukrainie nieabchodna prykłaści vializnyja namahańni, kab «skarystacca ciapierašniaj mahčymaściu» i zaviaršyć kanflikt z Rasijaj «prosta zaraz», zajaviŭ były prezident Ukrainy i lidar partyi «Jeŭrapiejskaja salidarnaść» Piatro Parašenka ŭ intervju Kyiv Post, piša RBK.
«Nam dakładna treba prykłaści vializnyja namahańni, kab skarystacca ciapierašniaj mahčymaściu i spynić vajnu prosta zaraz. Pad «prosta zaraz» ja maju na ŭvazie nie praz try hady, nie dzie-niebudź u nastupnym sakaviku, a jak maha chutčej. Dla hetaha nam patrebny płan, zasiarodžanaść, rašučaść i nadziejnyja partniory», — skazaŭ jon.
Parašenka taksama padkreśliŭ, što za stałom pieramoŭ pavinny być Ukraina, Rasija, Jeŭropa i ZŠA. Pry hetym jon dadaŭ, što pieramovy pavinny pačacca, kali kanflikt «kali nie budzie całkam zavieršany, to chacia b prypynieny».
Razvažajučy pra toje, što nieabchodna Ukrainie dla žyćcia «ŭ biaśpiecy i z upeŭnienaściu», Parašenka adkazaŭ karotka: «členstva Ukrainy ŭ ES i NATA».