U Barysavie špitalizavali 28 daškolnikaŭ
Siońnia situacyja stabilnaja, ale ŭ horadzie pracujuć śpiecyjalisty.
Uviečary 2 červienia ŭ infiekcyjnaje adździaleńnie Barysaŭskaj centralnaj rajonnaj balnicy byli dastaŭleny 27 pacyjentaŭ daškolnaha ŭzrostu z prykmietami infiekcyjnaha zachvorvańnia — młosnaściu i vanitami. Hałoŭny doktar Barysaŭskaj CRB Alaksandr Drozd prakamientavaŭ stan maleńkich pacyjentaŭ, piša BiełTA.
«Nazirajecca stanoŭčaja dynamika ŭ samaadčuvańni dziaciej, lačeńnie budzie praciahnuta va ŭmovach stacyjanara. Usie nieabchodnyja resursy dla akazańnia miedycynskaj dapamohi majucca», — raskazaŭ Alaksandr Drozd.
«Na praciahu apošnich sutak pa miedycynskuju dapamohu źviarnuŭsia adzin pacyjent z padobnymi simptomami. Siońnia situacyja stabilnaja. Zaraz usie 28 pacyjentaŭ znachodziacca ŭ zadavalniajučym stanie», — rastłumačyŭ hałoŭny dziaržaŭny sanitarny doktar Minskaj vobłaści — hałoŭny doktar Minskaha abłasnoha centra hihijeny, epidemijałohii i hramadskaha zdaroŭja Alaksandr Tarasienka.
Śpiecyjalisty zanalnaha i abłasnoha centraŭ z učarašniaha viečara pracujuć u Barysavie, kab minimizavać ryzyku raspaŭsiudžvańnia vostrych kišačnych infiekcyj siarod nasielnictva.