Alfa-Bank zakryvaje svoj mabilny dadatak

Alfa Bank paviedamiŭ, što z 30 červienia spynić pracu jahony stary mabilny dadatak InSync. 

Zdymak ilustracyjny. Fota: Alfa-Bank

U banku patłumačyli, što InSync nie abnaŭlaŭsia z 2023 hoda. Z 1 lipienia jon užo nie budzie adpaviadać novym patrabavańniam biełaruskaha zakanadaŭstva, tamu było pryniata rašeńnie kančatkova admovicca ad jaho vykarystańnia.

Pry hetym bank nie zastajecca biez mabilnaha servisu. Karystalnikam prapanujuć pierajści na novy dadatak INSNC abo karystacca jaho veb-viersijaj. Praź ich pa-raniejšamu možna kiravać bankaŭskimi praduktami i atrymlivać nieabchodnyja pasłuhi biez naviedvańnia adździaleńnia.

U Alfa-Banku adznačyli, što stary dadatak nie zakryvali raniej, kab klijenty mahli daŭžej karystacca zvykłym interfiejsam i sposabam dostupu da svaich rachunkaŭ.

Kamientary da artykuła