U Homieli biełarusa asudzili, imavierna, pa novaj spravie «rejkavych partyzanaŭ»
U Homielskim abłasnym sudzie vynieśli prysud 65‑hadovamu žycharu vioski Łahuny Dobrušskaha rajona Siarhieju Stasienku.
Jamu prypisali zamach na «akt teraryzmu» (č. 2 art. 289 KK), «niezakonnyja dziejańni datyčna vohniastrelnaje zbroi, bojeprypasaŭ i vybuchovych rečyvaŭ» (č. 4 art. 295 KK), «naŭmysnaje pryviadzieńnie ŭ nieprydatnaść transpartnaha srodku ci šlachoŭ znosinaŭ» (č. 4 art. 309 KK), «zdradu dziaržavie» (č. 1 art. 356 KK), «stvareńnie ekstremisckaha farmavańnia abo ŭdzieł u im» (č. 3 art. 361‑1 KK).
Miarkujučy z artykułaŭ, mužčyna mieŭ namier paškodzić čyhunku, piša «Homielskaja viasna».
Vyniesieny prysud vyśviatlajecca, ale zrazumieła, što jon źviazany z pazbaŭleńniem voli. Biełarusu pahražała da 20 hadoŭ pazbaŭleńnia voli.
Mužčyna žyŭ u vioscy Łahuny, pobač ź jakoj prachodzić čyhunka ŭ bok ukrainskaha horada Haradnia, a taksama niedaloka raźmieščany vajskovy aeradrom.