Pamierła ŭdava Žaka Šyraka

Pamierła Biernadet Šyrak — udava byłoha prezidenta Francyi Žaka Šyraka. Pra heta paviedamiła jaje dačka Kłod Šyrak. Biernadet Šyrak pajšła z žyćcia va ŭzroście 93 hadoŭ. Pavodle słoŭ dački, jana pamierła spakojna ŭ kole svaich blizkich.

Biernadet Šyrak. Fota: AP Photo/Michel Euler

Biernadet Šyrak zajmała asablivaje miesca ŭ francuzskaj palitycy. Jana stała adzinaj pieršaj łedzi ŭ historyi Francyi, jakaja sama zajmała vybarnyja dziaržaŭnyja pasady. U 1971 hodzie jaje abrali ŭ municypalnuju radu kamuny Saran, a z 1979 da 2015 hoda jana była hienieralnym daradcam departamienta Karez.

Žak Šyrak uznačalvaŭ Francyju dva prezidenckija terminy zapar — z 1995 da 2007 hoda. Jon pamior u vieraśni 2019 hoda va ŭzroście 86 hadoŭ.

Biernadet i Žak Šyraki byli adnoj z samych viadomych palityčnych par Francyi i zastavalisia razam na praciahu mnohich dziesiacihodździaŭ.

Kamientary da artykuła