Jak vybrać sałodkija truskałki z adnaho pohladu: prosty sposab
Śpiecyjalisty Minskaha haradskoha centra hihijeny i epidemijałohii padzialilisia prostymi łajfchakami, jakija dapamohuć znajści samyja spakušalnyja i duchmianyja jahady na pryłaŭku.
Fota: vecteezy.com
Hałoŭny sakret u čašaliścikach. Kali liściki ščylna prylahajuć da jahad — jany, chutčej za ŭsio, buduć kisłavatyja.
Kali liściki źlohku adahnutyja — pierad vami śpiełyja sałodkija jahady.
Akramia hetaha, ekśpierty rajać vybirać suchija jahady jarka-čyrvonaha koleru ź zialonymi i miasistymi čašaliścikami.
Pierad pakupkaj taksama paniuchajcie truskałki. Jany pavinny mieć jarki, nasyčany suničny vodar.
Kali pachu niama, heta značyć, što jany daśpiavali ŭ darozie.
Truskałki chutka psujucca, tamu kuplajcie stolki, kolki zmožacie źjeści za adzin-dva dni. Liški možna śmieła zamarožvać — jahady vydatna zachoŭvajuć vitaminy.
Sanitarnyja daktary taksama nastojliva napaminajuć: ni ŭ jakim razie nie kaštujcie niamytyja jahady z pryłaŭka.