Repier Marhienštern źmianiŭ imia i aficyjna staŭ jaŭrejem
Rasijski repier Marhienštern aficyjna staŭ jaŭrejem i źmianiŭ imia — z Ališera na Israela Jehudu Marhienšterna.
Skrynšot: instahram repiera
Kanał «Hołas Izraila» paviedamiŭ, što śpiavak prajšoŭ hijur. Heta abrad pierachodu niejaŭreja ŭ iŭdaizm, jaki aznačaje pryniaćcie jaŭrejskaj viery i abaviazku vykonvać zapaviedzi Tory. Pracedura ŭklučaje šmatmiesiačnaje vyvučeńnie tradycyj, pravierku ravinskim sudom i rytuały: abrazańnie (dla mužčyn) i akunańnie ŭ mikvu.
Ciapier Marhienštern žyvie ŭ Izraili (u 2022 hodzie jon atrymaŭ izrailskaje hramadzianstva). I navat «prapavieduje» ŭ instahramie toje, što daviedaŭsia pra Boha i maral.
Paśla pačatku poŭnamaštabnaj vajny Rasii suprać Ukrainy repier asudziŭ napad. U Rasii Marhienšterna pryznali inahientam.
U 2025 hodzie Marhienšternu zabaranili ŭjezd u Litvu na 10 hadoŭ i nie dali pravieści kancert (bo raniej jon uschvalaŭ Pucina). Ale ŭ 2026‑m sud admianiŭ hetu zabaronu. Sud patłumačyŭ, što Departamient mihracyi nienaležnym čynam abapiraŭsia na infarmacyju, padadzienuju Ministerstvam zamiežnych spraŭ, jak na hałoŭnuju padstavu dla acenki pahrozy nacyjanalnaj biaśpiecy. Akramia taho, sudździ paličyli, što niekatoryja arhumienty bazavalisia na mierkavańniach, a nie na faktyčnych dokazach.