Partyja Pašyniana ŭpeŭniena pieramahaje. Toj paśpiašyŭ abviaścić ab pieramozie, choć pakul padličana 20% hałasoŭ
Jon adznačyŭ, što «Hramadzianskaja damova» adnaasobna sfarmuje ŭrad.
Nikoł Pašynian pravioŭ pres-kanfierencyju paśla vybaraŭ. Fota: AP Photo/Anthony Pizzoferrato
Premjer-ministr i lidar partyi «Hramadzianskaja damova» Nikoł Pašynian paśpiašyŭ zajavić pra pieramohu svajoj partyi, choć Centralnaja vybarčaja kamisija jašče nie paśpieła apracavać i 20 pracentaŭ biuleteniaŭ.
Nikoł Pašynian taksama adznačyŭ, što «Hramadzianskaja damova» adnaasobna sfarmuje ŭrad.
«Vykazvaju ŭdziačnaść usim hramadzianam Respubliki Armienija, jakija najpierš pryniali ŭdzieł u vybarach i prahałasavali pavodle svajoj svabodnaj voli. I chaču padkreślić, što ŭ paraŭnańni z 2021 hodam «Hramadzianskaja damova» atrymała hałasy bolšaj kolkaści hramadzian Respubliki Armienija, votum davieru bolšaj kolkaści hramadzian. Heta ŭskładaje na nas vialikuju adkaznaść i aznačaje, što hramadzianin Respubliki Armienija zastaŭsia haspadarom svajoj dziaržavy, haspadarom niezaležnaści, haspadarom budučyni, haspadarom miru», — cytuje Pašyniana news.am.
Raniej pa vynikach apracoŭki 145 tysiač biuleteniaŭ z 420 učastkaŭ partyja «Hramadzianskaja damova» mieła 55%. U «Mocnaj Armienii» prarasijskaha miljardera Samvieła Karapieciana — 22%.