Samy darahi dom u Biełarusi ŭ mai pradali za 1,8 miljona dalaraŭ
Dom u katedžnaj zabudovie ŽK «Alimpik Park» ad «Tapasa» kala zakaźnika «Lebiadziny» akazaŭsia samaj darahoj ździełkaj miesiaca, i heta daloka nie ŭpieršyniu.
Katedžnaja zabudova ŭ «Alimpik Parku», fota Realt.by
Katedž byŭ pradadzieny ŭ minułym miesiacy za 1,8 miljona dalaraŭ, piša Realt.by.
Hetaja ŭhoda była samaj darahoj nie tolki siarod damoŭ u Minsku, ale i pa ŭsioj Biełarusi. Heta błočny adnapaviarchovy dom, pabudavany ŭ 2020 hodzie.
Ciapier u «Alimpik-Parku» na Realt pradajecca jašče adzin katedž. Heta adnapaviarchovy dom pad azdableńnie ahulnaj płoščaj 550 kvadrataŭ za 5,8 miljona rubloŭ (kala 2 miljonaŭ dalaraŭ). Voś jak jon vyhladaje.