Da «Dažynak» u Kalinkavičach mianiajuć ružovuju plitku na błakitnuju, a cana kaśmičnaja
U ramkach padrychtoŭki da abłasnoha fiestyvalu-kirmašu «Dažynki‑2026» u Kalinkavičach zanialisia pierakładkaj tratuarnaj plitki, piša «Fłahštok».
Plitku całkam pierakładvajuć na płoščy Lenina pierad administracyjnym budynkam rajvykankama. Pracy nie pravodzilisia praz servis dziaržaŭnych zakupak. Novaja plitka budzie z arnamientam niezvyčajnaha dla haradskoha ŭparadkavańnia błakitnaha koleru. Raniej uzor byŭ ružovym.
Pry hetym na fota 2025 hoda nie vidać asablivych defiektaŭ tratuarnaha pakryćcia na płoščy — padstaŭ dla ramontu i zamieny plitki vizualna nie nazirałasia.
Dakładny košt hetych rabot nieviadomy, ale pa prybliznych raźlikach jon moža dasiahać 1 młn rubloŭ abo prykładna 300 tys. dalaraŭ. Płošča plitkavaha pakryćcia składaje kala 10 000 kv. m. Dla demantažu staroj plitki i ŭkładvańnia novaha pakryćcia pavodle eskizu zhodna z rascenkami nieabchodna ad 800 tys. da 1,1 młn rubloŭ.
I heta pry tym, što amal 3 młn rubloŭ (1 młn dalaraŭ) užo było ŭkładziena ŭ ciapierašni i kapitalny ramont budynka rajvykankama — zhodna z apublikavanymi raniej tendarami. Ramont pakul praciahvajecca, jaho pavinny skončyć jakraz da «Dažynak».
Miarkujecca, što demantavanuju z płoščy plitku addaduć na ŭparadkavańnie terytoryj škoł.