Na pažary ŭ Hrodnie ŭratavali siem čałaviek, adna žančyna zahinuła
U Hrodnie dniom adbyŭsia pažar u piacipaviarchovym žyłym domie na vulicy Puškina. Kali padraździaleńni MNS prybyli na miesca, z voknaŭ kvatery na pieršym paviersie ŭžo vyryvałasia połymia.
Skrynšot ź videa
Padčas raźviedki ŭ kalidory kvatery, jakaja zaharełasia, ratavalniki znajšli žančynu. Jaje vynieśli na śviežaje pavietra i pieradali miedykam. Paciarpiełuju špitalizavali.
U adnym z pakojaŭ kvatery znajšli haspadyniu žylla biez prykmiet žyćcia.
Z kvater na vierchnich pavierchach supracoŭniki MNS vyratavali jašče šeść čałaviek, u tym liku dvuch dziaciej. Dla evakuacyi vykarystoŭvalisia śpiecyjalnyja maski dla abarony orhanaŭ dychańnia. Miedycynskaja dapamoha vyratavanym nie spatrebiłasia.
Pažar byŭ likvidavany. Pryčyny ŭzharańnia ciapier vyśviatlajucca.