Pamior lehiendarny litoŭski trenier Uładas Harastas
Trenieru, jaki vyvieŭ litoŭski baskietboł u jeŭrapiejskuju elitu, było 94 hady.
Litva straciła lehiendu krainy pa baskietbole, treniera Uładasa Harastasa. Pra ciažkuju stratu Delfi paviedamiŭ kiraŭnik asacyjacyi «Litoŭski baskietboł» Mindaŭhas Balčunas.
«Ciažkaja strata, pavažany trenier pajšoŭ z žyćcia ŭnačy, heta paćvierdzili členy siamji», — adznačyŭ Balčunas.
U lutym Uładasu Harastasu spoŭniłasia 94 hady, i jon aktyŭna sačyŭ za žyćciom litoŭskaha baskietboła, vystupami litoŭskich baskietbolnych kłubaŭ u Jeŭropie, vykazvaŭ mierkavańni pra aktualnyja pytańni i prablemy nacyjanalnaj zbornaj Litvy.
Uładas Harastas treniravaŭ kaŭnaski «Žalhirys» z 1979 pa 1989 hod.
Pad jaho kiraŭnictvam litoŭskija baskietbalisty dasiahnuli fienamienalnych vynikaŭ: «Žalhirys» trojčy vyjhravaŭ čempijanat SSSR (1985-1987), stanaviŭsia pieramožcam Mižkantynientalnaha kubka (1986), dachodziŭ da finału Kubka čempijonaŭ FIBA.
Z 1989 pa 1991 hod byŭ hałoŭnym trenieram zbornaj SSSR pa baskietbole, z 1992 pa 1997 hod — hałoŭnym trenieram zbornaj Litvy. Z kamandaj dasiahnuŭ bronzavych miedaloŭ Alimpijskich hulniaŭ 1992 i 1996 hadoŭ, zavajavaŭ srebra Jeŭra-1995.