Dziaŭčyna stvaraje miłyja VIDEA ź biełaruskich haradoŭ u styli hulni The Sims

Z dapamohaj štučnaha intelektu 24‑hadovaja Ksienija pieranosić roznyja harady radzimy ŭ śviet papularnaj hulni.

Skrynšot videa ŭ tyktoku

Pracy dziaŭčyny vychodziać sapraŭdy atmaśfiernyja i źbirajuć dziasiatki tysiač prahladaŭ u sacyjalnych sietkach. Kamientatary ŭ zachapleńni i vielmi prosiać zrabić takija roliki ź ich rodnym horadam.

U kalekcyi Ksienii ŭžo jość Minsk, Pastavy, Hrodna, Homiel, Brest, Połack, Baranavičy, Viciebsk, Mahiloŭ i Mazyr.

Jana sprabuje pieranieści ŭ The Sims hałoŭnyja słavutaści tych miaścin. I havorka nie tolki pra architekturu, ale i pra łakalnyja fišački i admietnaści. Naprykład, u Hrodnie možna pabačyć zamak i papularnuju kaviarniu «Džezva». U Baranavičach — praces hatavańnia słavutych «łodačak».

A ŭ Breście ž, viadoma, nie abyšłosia bieź lichtarnika.

Tolki voś pra Homiel žartujuć, što tam akramia pałacava-parkavaha kompleksu nie znajšłosia čaho pakazać.

Kamientatary žartujuć, što z zadavalnieńniem hulali b u «The Sims. Biełaruskaja siamja».

Kamientary da artykuła