Dačnika na prabiežcy supravadžaŭ miadźviedź
Čarhovy tryvožny sihnał pastupiŭ ź vioski Laskovičy Šumilinskaha rajona, što ŭ Viciebskaj vobłaści.
Adzin z dačnikaŭ pa imieni Alaksiej padčas ranišniaj prabiežki sutyknuŭsia z burym miadźviedziem, jaki vidavočna zacikaviŭsia im. Jakimi byli namiery kasałapaha, možna tolki zdahadvacca, ale źvier pačaŭ pieraśledavać čałavieka, piša Fishihgby.com.
Na ščaście, miadźviedzia spałochaŭ aŭtamabil, jaki prajazdžaŭ mima. Kiroŭca, ubačyŭšy karcinu, što razhortvałasia pierad im, pačaŭ sihnalić, i heta napałochała drapiežnika — toj adstupiŭ i schavaŭsia ŭ lesie.
Kali b nie hety aŭtamabil, prabiežka dla Alaksieja mahła b skončycca vielmi sumna.
Śpiecyjalisty Nacyjanalnaj akademii navuk ličać, što ŭ Viciebskaj vobłaści skancentravana bolš za 70 % biełaruskaj papulacyi buraha miadźviedzia, tamu kolkaść vypadkovych sustreč miascovych žycharoŭ z hetym drapiežnikam u najbližejšy čas budzie tolki pavialičvacca.