Pad Minskam mužčyna nastupiŭ na asu i pamior
Banalny vypadak na dačy skončyŭsia śmierciu. U Puchavickim rajonie paśla ŭkusu asy zahinuŭ 52‑hadovy žychar Minskaha rajona.
Mužčyna razam z žonkaj pryjechaŭ na vychodnyja na daču. Jak paźniej raspaviała žonka zahinułaha, 8 červienia mužčyna kasiŭ travu na ŭčastku, a kali paśla pracy zajšoŭ u dom, nastupiŭ na asu.
Žančyna prapanavała mužu vypić supraćalerhičny preparat, adnak mužčyna admoviŭsia, paličyŭšy zdareńnie drobiaźziu. Heta rašeńnie akazałasia fatalnym.
Praź niejki čas stan mužčyny pačaŭ imkliva paharšacca. U jaho źjaviłasia mocnaje ślinaciačeńnie, dychańnie stała ciažkim i chrypłavatym, a nieŭzabavie jon straciŭ prytomnaść.
Pierapałochanaja žonka terminova vyklikała bryhadu chutkaj miedycynskaj dapamohi, adnak vyratavać muža miedyki ŭžo nie zmahli.
Papiaredniaj pryčynaj trahiedyi nazyvajuć anafiłaktyčny šok — vostruju i vielmi chutkuju alerhičnuju reakcyju arhanizma, jakaja pryvodzić da acioku dychalnych šlachoŭ i spynieńnia serca.