U mai ŭ Biełarusi najbolš padaražeŭ prajezd u ciahnikach
U mai 2026 hoda inflacyja ŭ Biełarusi skłała 0,1%. Pasłuhi padaraželi na 0,4%, niecharčovyja tavary — na 0,1%, a charčovyja tavary patańnieli na 0,2%, paviedamlaje Biełstat.
Zdymak ilustracyjny. Fota: «Naša Niva»
Siarod hrup tavaraŭ i pasłuh najbolš vyras košt pasłuh daškolnych ustanoŭ — na 5,03%. Taksama padaraželi sanatorna-azdaraŭlenčyja pasłuhi (na 3,77%), biezałkaholnyja napoi (na 3,48%), pasažyrski transpart (na 2,08%) i sacyjalnaje absłuhoŭvańnie doma (na 1,76%).
Najbolšy rost siarod kankretnych tavaraŭ i pasłuh pakazaŭ prajezd u ciahnikach rehijanalnych linij ekanomkłasa — na 26,79%. Taksama padaraželi śviežaja biełakačannaja kapusta (na 11,89%), prajezd u mižrehijanalnych ciahnikach (na 5,72%), mižnarodnych ciahnikach (na 5,56%), zapałki (na 4,75%) i minieralnaja i pitnaja vada (na 3,68%).
U toj ža čas toje-sioje i patańnieła. Najbolšaje źnižeńnie cen adbyłosia na płodaaharodninnuju pradukcyju — na 4,1%. Patańnieŭ taksama abutak (na 1,73%), viełasipiedy i matacykły (na 1,33%), kurynyja jajki (na 1,1%) i stałovy posud.
Siarod asobnych tavaraŭ najbolš patańnieli śviežyja pamidory — na 25,23%, ahurki — na 17,86%, avakada — na 15,43%, banany — na 14,67%, sałodki pierac — na 12,3%, a taksama časnok (na 5,94%) i niekatoryja vidy skuranoha abutku.
Čytajcie taksama:
Inflacyja ŭ mai apuściłasia nižej za 5 pracentaŭ
Biełarusy nikoli nie žyli tak bahata, jak ciapier. Ale jość važny niuans