U Hłybockim rajonie 13‑hadovy chłopčyk patanuŭ u sažałcy
Jon chacieŭ dastać z vady miač, i heta skončyłasia trahiedyjaj.
Pa infarmacyi Śledčaha kamiteta, dniom 10 červienia dvoje chłopčykaŭ, 13‑ci i 12‑ci hadoŭ, hulali na dvary doma.
U peŭny momant miač, ź jakim jany zabaŭlalisia, upaŭ u sažałku, vykapanuju na prysiadzibnaj terytoryi. Starejšy chłopčyk pasprabavaŭ dastać jaho nahoj, ale sarvaŭsia i ŭpaŭ u vadu. Małodšy taksama kinuŭsia na dapamohu, ale taksama apynuŭsia ŭ vadzie.
12‑hadovamu ŭdałosia začapicca za korań dreva i paklikać na dapamohu. Darosłyja, jakija prybiehli na kryki, dapamahli jamu vybracca. 13‑hadovaha chłopčyka, adnak, vyratavać nie ŭdałosia — jaho cieła dastali z vady ratavalniki MNS.
Paviedamlajecca, što hłybinia sažałki składaje kala 1,5 mietra. Śledčyja ciapier pravodziać pravierku i vyśviatlajuć usie abstaviny zdareńnia.
Čytajcie taksama:
U sažałcy pad Kobrynam patanuŭ mužčyna