Prapahandyst Baravik da Dnia Rasii napisaŭ nadzvyčaj biazdarny vierš ź jaje prasłaŭleńniem
Pierad Dniom Rasii, jaki ŭ susiedniaj krainie adznačajecca 12 červienia, viadomy palitołah-prapahandyst Vadzim Baravik trapiŭ na pryjom da rasijskaha pasła ŭ Biełarusi Barysa Hryzłova i prynios jamu ŭ padarunak viernapaddańnicki vierš ułasnaha vyrabu.
Vadzim Baravik pra pryjomie ŭ Barysa Hryzłova. Fota: threads.com/@borovik.official
Uzrovień vierša z punktu hledžańnia navat techničnaha vykanańnia nie vytrymlivaje nijakaj krytyki, bo ŭ im i niazhrabnyja ryfmy, i nieapraŭdanyja pieraskoki vieršavanych pamieraŭ. Dziŭnym vyhladaje i idejnaje napaŭnieńnie, bo Baravik piša svoj tvor ad imia «aficeraŭ», choć jaho aficyjnyja bijahrafii faktaŭ słužby ŭ siłavych strukturach nie ŭtrymlivajuć.
Fota: threads.com/@borovik.official
Pry hetym padpisaŭ svoj tvor Baravik jak «łaŭreat Nacyjanalnaj litaraturnaj premii», jakuju jon sapraŭdy atrymaŭ u minułym hodzie ŭ naminacyi «Najlepšy debiut» za zbornik vieršaŭ «Idu po Minsku». Takoje ŭhanaravańnie jak ništo inšaje vyrazna śviedčyć pra tvorčy ŭzrovień sučasnaj praŭładnaj litaratury.
Čytajcie taksama:
Łaŭreatam Nacyjanalnaj litaraturnaj premii staŭ palitołah-prapahandyst Vadzim Baravik
«Davajcie nazyvać pravilna». Praŭładny palitołah asudziŭ «Mołdaviju» i «Biełoruśsiju»