Papa Leŭ aśviaciŭ viežu Isusa Chrysta ŭ barsiełonskim chramie Śviatoha Siamiejstva roŭna praz 100 hadoŭ paśla śmierci Haŭdzi
Imša ŭ chramie adbyłasia roŭna praz 100 hadoŭ paśla hibieli Haŭdzi, dla jakoha Sahrada Familija stała hałoŭnym prajektam žyćcia.
Fota: Dan Kitwood/Getty Images
Papa Leŭ XIV u sieradu, u sotuju hadavinu śmierci Antonia Haŭdzi, aśviaciŭ viežu Isusa Chrysta ŭ hałoŭnym tvareńni architektara, barsiełonskim chramie Śviatoha Siamiejstva (Sahrada Familija), piša Bi-bi-si.
Padčas svajho vizitu ŭ Ispaniju kiraŭnik Rymska-katalickaj carkvy taksama adsłužyŭ imšu ŭ znakamitym barsiełonskim sabory, budaŭnictva jakoha praciahvajecca ŭžo bolš za 100 hadoŭ i pavinna być nieŭzabavie zavieršana.
Fota: Alberto Paredes / Europa Press via Getty Images
Z ulikam kryža pamier viežy Isusa Chrysta — samaj vysokaj kropki chrama — składaje 172,5 mietra. Heta robić Sahradu Familiju samym vysokim kaściołam u śviecie.
Pieršy kamień chrama Śviatoha Siamiejstva byŭ zakładzieny ŭ 1882 hodzie, a na nastupny hod jaho budaŭnictva ŭznačaliŭ tady jašče małady architektar Antonia Haŭdzi.
Imša ŭ chramie adbyłasia roŭna praz 100 hadoŭ paśla hibieli Haŭdzi, dla jakoha Sahrada Familija stała hałoŭnym prajektam žyćcia.
Fota: Simone Risoluti — Vatican Media via Vatican Pool / Getty Images
U nastupnyja hady chram pastupova dabudoŭvaŭsia, i pracesam kiravaŭ Fond Sahrada Familija, jaki atrymlivaje srodki ad prodažu biletaŭ i pryvatnych donaraŭ.
Budaŭniki praciahnuć pracavać nad zakančeńniem chrama na praciahu nastupnaha dziesiacihodździa: u tym liku jany stvorać novyja dekaratyŭnyja elemienty i skulptury, a taksama pabudujuć leśvicu da hałoŭnaha ŭvachodu ŭ zbudavańnie.
Fota: Kike Rincon / Europa Press / Pool via Getty Images