ZŠA ŭviali sankcyi suprać firmy ŭ Biełarusi, jakaja dapamahała Iranu kuplać PZRK u Kitai
Dziaržaŭny departamient ZŠA abviaściŭ pra ŭviadzieńnie novych sankcyj suprać šerahu jurydyčnych i fizičnych asob. Usie jany datyčnyja da zakupak zbroi i vajskovaha abstalavańnia dla patreb iranskaj armii. Jość tam biełaruski śled.
Pad abmiežavańni patrapili kampanii i asoby, jakija arhanizoŭvali cieniavyja łancužki pastavak uzbrajeńniaŭ u abychod mižnarodnych zabaron, u tym liku z pryciahnieńniem kitajskich vytvorcaŭ.
Zhodna z aficyjnym pres-relizam Dziarždepartamienta, klučavym pasiarednikam u adnoj z bujnych zbrojevych schiem vystupała zarehistravanaja ŭ Biełarusi kampanija Armory Alliance.
Pavodle amierykanskaha boku, kampanija źjaŭlałasia suviaznym źvianom pamiž kitajskimi vytvorcami i Tehieranam. Jana niepasredna zajmałasia arhanizacyjaj i supravadžeńniem zakupki sotniaŭ pieranosnych zienitna-rakietnych kompleksaŭ.
Kab abyści sankcyi, pastaŭki zienitnych rakiet z Kitaja ŭ Iran sprabavali puścić praz trecija krainy, padčyščajučy dakumienty, źmianiajučy krainu pachodžańnia hruzu i chavajučy realnaha kančatkovaha pakupnika — iranskaje vojska.
Razam z samoj kampanijaj pad piersanalnyja sankcyi patrapiŭ jaje supracoŭnik — hramadzianin Irana Machamadmachdzi Maleki, jaki žyvie ŭ Biełarusi i niepasredna kuryravaŭ hetyja zbrojevyja kantrakty. Raniej, u mai 2026 hoda, hetaja ž kampanija ŭžo patrapili pad abmiežavańni Minfina ZŠA, ciapier ža sankcyi pašyrylisia pa linii Dziarždepartamienta.