U mahiloŭskim muziei zaprašajuć sustrecca z mastactvam tajemna
U Mahiloŭskim abłasnym mastackim muziei imia Maślenikava źjaviŭsia novy prajekt «Tajemnaje spatkańnie z mastactvam». Jon prapanuje niezvyčajny adpačynak dla par: paśla zakryćcia muzieja hości mohuć pravieści viečar siarod karcin, pryniać udzieł u kveście i atrymać indyvidualnuju ekskursiju ad supracoŭnika muzieja ŭ vobrazie mastaka.
Mahiloŭski abłasny mastacki muziej imia Maślenikava. Fota: belarus.travel
Padčas spatkańnia naviedvalniki znajomiacca z historyjaj biełaruskaha i mahiloŭskaha vyjaŭlenčaha mastactva, a taksama mohuć pasprabavać siabie ŭ tvorčaści — namalavać partrety adzin adnaho ŭ mastackaj majsterni. Naprykancy viečara ŭdzielnikaŭ čakaje asablivy siurpryz, pra jaki zahadzia nie paviedamlajuć.
Prajekt pačaŭ dziejničać naprykancy maja — na pačatku červienia i adrazu staŭ papularnym. Usie miescy na najbližejšyja mierapryjemstvy ŭžo zaniatyja. Arhanizatary adznačajuć, što cikavaść da takoha farmatu prajaŭlajuć nie tolki maładyja pary, ale i ludzi starejšaha ŭzrostu.
«Tajemnyja spatkańni z mastactvam» buduć pravodzicca i nadalej u zaležnaści ad kolkaści achvotnych. Kab stać udzielnikam prajekta, treba źviarnucca ŭ Mahiloŭski abłasny mastacki muziej imia Maślenikava.
Čytajcie taksama:
Što adbyvajecca ciapier u Piščałaŭskim zamku i jak jon vyhladaje FOTY
Ad kaściołaŭ da «biełaruskich Maldyvaŭ»: padarožža pa Biełarusi skroź čas i kolery