U Krupskim rajonie zatrymali 17‑hadovaha sieryjnaha padpalščyka
U Krupskim rajonie zatrymali 17‑hadovaha padletka, jakoha padazrajuć u sieryi padpałaŭ u haradskim pasiołku Bobr u mai 2026 hoda, paviedamlaje Śledčy kamitet.
Fota: Śledčy kamitet
Pavodle infarmacyi śledstva, chłopiec zaŭsiody dziejničaŭ pa adnoj i toj ža schiemie: padpalvaŭ budynki z vonkavaha boku, paśla čaho ŭźnikali pažary. U vyniku byli paškodžanyja jak haspadarčyja pabudovy, tak i žyły dom. Ekśpierty paćvierdzili, što krynica ahniu zaŭsiody źjaŭlałasia zvonku, što śviedčyć pra naŭmysnyja padpały.
Padletka chutka vyličyli i zatrymali. Jon pryznaŭ svaju vinu i patłumačyŭ ułasnyja dziejańni banalnaj cikaŭnaściu i nudoj — maŭlaŭ, chacieŭ pahladzieć, jak pracujuć pažarniki.
Taksama viadoma, što hety junak užo raniej traplaŭ u pole zroku milicyi, stajaŭ na ŭliku ŭ inśpiekcyi pa spravach niepaŭnaletnich, a jaho siamja pryznavałasia takoj, jakaja znachodzicca ŭ sacyjalna niebiaśpiečnym stanoviščy. Śledčyja praviarajuć, ci moh chłopiec być datyčny da inšych padobnych incydentaŭ u rajonie. Ciapier jon znachodzicca pad vartaj, a spravy abjadnanyja ŭ adnu kryminalnuju vytvorčaść.
Čytajcie taksama:
Na Kruhlanščynie vykradańnie aŭto skončyłasia DTZ i pažaram
Na pažary ŭ Hrodnie ŭratavali siem čałaviek, adna žančyna zahinuła