Škoły i himnazii siońnia pačynajuć pryjom dziaciej u pieršyja kłasy
Pryjom dakumientaŭ dla zaličeńnia ŭ pieršyja kłasy dziaciej, jakija pražyvajuć u mikrarajonie, zamacavanym za ŭstanovaj adukacyi, budzie prachodzić pa 15 žniŭnia.
Čarha ŭ Novaj Baravoj za sutki da pačatku pryjomu dakumientaŭ
Baćkam budučych pieršakłaśnikaŭ nieabchodna padać zajavu na imia dyrektara škoły, miedycynskuju daviedku ab stanie zdaroŭja dziciaci i paśviedčańnie ab naradžeńni.
U hetyja ž terminy kiraŭnik ustanovy adukacyi abo asoba, jakaja vykonvaje jaho abaviazki, prymaje zajavy na svabodnyja miescy ad baćkoŭ dziaciej, jakija nie pražyvajuć u zamacavanym mikrarajonie.
Pryjom takich dziaciej na svabodnyja miescy ŭ škoły i himnazii budzie ažyćciaŭlacca ŭ paradku čarhovaści rehistracyi zajaŭ ad ich zakonnych pradstaŭnikoŭ.
Astatnija dakumienty, kali budzie pryniata stanoŭčaje rašeńnie ab pryjomie dziciaci ŭ škołu, nieabchodna padać z 17 pa 28 žniŭnia.