Pahadnieńnie pamiž ZŠA i Iranam pradoŭžyć režym spynieńnia ahniu na 60 dzion
Na praciahu jakich buduć iści jadziernyja pieramovy.
Fota: Majid Saeedi / Getty Images
«Miemarandum ab uzajemarazumieńni» pamiž ZŠA i Iranam praduhledžvaje adkryćcio Armuzskaha praliva i časovaje źmiakčeńnie sankcyj u dačynieńni da Irana. Pra heta piša Axios sa spasyłkaj na krynicy.
Axios piša, što pahadnieńnie praduhledžvaje abaviazacielstva Irana nikoli nie vałodać jadziernaj zbrojaj i ŭrehulavać situacyju vakoł svajho ŭzbahačanaha ŭranu.
Pa słovach krynicy vydańnia ŭ dypłamatyčnych kołach ZŠA, miemarandum detalova razhladaje ŭsie jadziernyja pytańni i «zadavalniaje ŭsie patrabavańni ZŠA».
Paviedamlajecca, što ździełka pradoŭžyć režym spynieńnia ahniu na 60 dzion, u tym liku ŭ Livanie.
Pa stanie na viečar čaćviarha, ździełka była ŭchvalena iranskim bokam na vysokim uzroŭni, ale, vierahodna, nie Madžtaboj Chamieniei, paviedamili Axios dźvie krynicy.
Čytajcie taksama:
Tramp admianiŭ zapłanavanyja ŭdary pa Iranie i zajaviŭ pra pośpiech pieramoŭ
ZŠA ŭviali sankcyi suprać firmy ŭ Biełarusi, jakaja dapamahała Iranu kuplać PZRK u Kitai
ZŠA nanieśli novyja ŭdary pa Iranie, Iran u adkaz atakavaŭ amierykanskija bazy ŭ rehijonie